Â鶹´«Ã½ÍŶÓ

Yn gryno

Bydd y cwrs hyfforddiant gweithredwr Llwythwr Telesgopig Deunyddiau yn rhoi’r sgiliau i chi weithredu’r wagen fforch godi yn ddiogel ac yn effeithlon, cynnal arolygiad cyn defnyddio ac adalw ac esbonio’r hyn sy’n achosi ansefydlogrwydd ar gyfer y wagen fforch godi ac ansefydlogrwydd llwyth. Caiff Llwythwyr Telesgopig Deunyddiau eu defnyddio’n eang ar draws y diwydiant adeiladu a’r diwydiant amaeth o ganlyniad i’w natur amlbwrpas a’u gallu i symud llwythi o bob siâp a phob maint. Fel arfer, mae’r peiriannau yn fwy amryddawn na wagen fforch godi wrthbwyso lai o ganlyniad i’w gallu i estyn i fyny ac ymlaen a’i chapasiti codi mwy.

Ar lwyddo i gwblhau’r cwrs, dyfernir trwydded achrededig RTITB i chi a fydd yn ddilys am 3 blynedd.

Mae’r cwrs hwn ar gael fel rhan o Gyfrif Dysgu Personol. Mae Cyfrif Dysgu Personol yn fenter gan Lywodraeth Cymru sy’n cynnig cyfle i bobl gael mynediad at gyrsiau rhan-amser am ddim sy’n cynnig dysgu hyblyg, cyfleus sy’n cyd-fynd â’u ffordd o fyw bresennol (yn amodol ar gymhwysedd)

Mae'r cwrs hwn ar gyfer...

... unrhyw un 19+ oed, sy’n byw yng Nghymru, sydd mewn cyflogaeth gan ennill yn llai na £34,303 y flwyddyn.

... unrhyw un sy’n dymuno dilyn gyrfa ym meysydd diwydiant adeiladu neu’r diwydiant amaeth lle y defnyddir llwythwyr telesgopig yn rheolaidd.

Cynnwys y cwrs

Caiff y cwrs hyfforddiant ei gwblhau dros 5 diwrnod. Erbyn diwedd y cwrs, dylech chi allu:

· Dangos gwybodaeth a dealltwriaeth am y peiriant a sut i’w weithredu’n ddiogel

· Darganfod ac adnabod prif gydrannau a phrif reolyddion y peiriant ac esbonio eu swyddogaethau · Esbonio’r ffactorau sy’n effeithio ar sefydlogrwydd y wagen ac adnabod sut i gynnal sefydlogrwydd y wagen a’r llwyth

· Esbonio’r peryglon sydd ynghlwm â gorlwytho’r wagen a dangos sut i atal gorlwytho

· Cynnal pob gwyriad cyn gweithredu

· Cynnal pob gwiriad diogelwch angenrheidiol yn y maes gwaith

· Symud y peiriant yn ddiogel pan fydd yn llwythog a heb lwyth, ar draws tir amrywiol mewn ardaloedd agored ac ardaloedd caeedig ac ar lethrau

· Cyflawni tasgau codi a llwytho, gan ddefnyddio tŵr llwytho (sgaffaldiau) a/neu cerbyd ffordd

· Ffitio, addasu a/neu dynnu atodiadau

· Cyflawni pob gweithdrefn diwedd sifft a chau i lawr

Bydd gofyniad i chi basio prawf theori ac asesiad gweithredydd ymarferol er mwyn cwblhau’r cwrs

Gofynion Mynediad

Sgiliau darllen ac ysgrifennu yn Saesneg ar lefel sylfaenol.

Fe’ch cynghorir i wisgo esgidiau diogelwch ond nid yw hyn yn orfodol. Am fod rhywfaint o hyfforddiant yn cael ei gyflawni yn yr awyr agored, fe’ch cynghorir i wisgo’n briodol ar gyfer pob math o dywydd.

Gwybodaeth Ychwanegol

Nod y rhaglen Cyfrif Dysgu Personol yw darparu cyngor ac arweiniad gyrfa o safon i gyfranogwyr cyn dechrau eu dysgu, yn ystod eu dysgu ac ar ôl eu dysgu.

Cyn i chi gael eich cofrestru ar eich cwrs a ariennir gan y rhaglen Cyfrif Dysgu Personol, trafodir cynllun dysgu unigol gyda chi i sicrhau bod y dysgu cywir wedi cael ei ystyried.

Bydd hyn yn cynnwys trafodaeth gyffredinol ar y pynciau canlynol:

• addysg ffurfiol neu gymwysterau mewn meysydd cysylltiedig
• profiad blaenorol yn y diwydiant neu’r maes 
• dyheadau gyrfa
• ymroddiad amser angenrheidiol

Bydd hyn hefyd yn cynnwys trafodaeth benodol ar y meysydd canlynol ar gyfer y cwrs hwn:

• dyheadau gyrfa i ennill trwydded i wella rhagolygon swyddi
• profiad blaenorol o wagen fforch godi
• hyfforddiant blaenorol neu dystysgrif flaenorol a enillwyd yn y maes hwn