Â鶹´«Ã½ÍŶÓ

Yn gryno

Bydd y cwrs hwn yn rhoi sylfaen ymarferol ac academaidd gryf yn agweddau gwahanol maes Troseddeg a Chyfiawnder Troseddol. Os hoffech chi astudio trosedd a’r system cyfiawnder troseddol, mae’r rhaglen Gradd Sylfaen mewn Troseddeg a Chyfiawnder Troseddol yn berffaith i chi.

Dyma'r cwrs i chi os...

... Rydych chi’n dyheu am weithio ym meysydd trosedd, troseddeg a chyfiawnder troseddol
... Rydych chi’n gweithio’n dda dan bwysau
... Hoffech chi ennill sgiliau ymarferol a sgiliau damcaniaethol

Beth fyddaf yn ei wneud?

Byddwch chi’n datblygu ymwybyddiaeth feirniadol o theori ac ymarfer ym maes Troseddeg a byddwch yn deall cyd-destun cymdeithasol trosedd a sut mae’n cael ei reoli. Byddwch chi hefyd yn dysgu am sut mae asiantaethau’n gweithredu o fewn y system cyfiawnder troseddol.

Mae gennym ni gysylltiadau cryf ag asiantaethau cyfiawnder troseddol ac rydym yn cynnig modiwlau sy’n adlewyrchu natur gyfredol y pwnc hwn gan, yn aml, wahodd siaradwyr gwadd i siarad am eu gwaith. Yn ogystal â chyfleoedd i wirfoddoli, gallwch hefyd gwblhau modiwl lleoliad gwaith a all eich helpu chi i ennill cyflogaeth ar ôl i chi raddio.

I sicrhau fod gennych chi ddealltwriaeth dda o faesydd Troseddeg a Chyfiawnder Troseddol byddwch chi’n astudio nifer o fodiwlau craidd gan ennill sgiliau ymarferol a sgiliau damcaniaethol.

Bydd y modiwlau yn debygol o gynnwys:

Blwyddyn 1

Y Tu Mewn i’r System Cyfiawnder Troseddol

Archwilio Trosedd a Gwyrni

O Theori i Effaith: Ymchwil Hanfodol ym maes Troseddeg

Dadorchuddio Trosedd: Trosedd Cyfoes a Heriau

Amrywiaeth, Trosedd a Chyfiawnder

Y Tu Hwnt i’r Llyfrau: Y Byd Academaidd, Cyflogaeth a Phroffesiynoldeb ym maes Cyfiawnder Troseddol

Gwir Effaith Trosedd: Agored i niwed a dioddefwyr

Blwyddyn 2

Gwleidyddiaeth Plismona

O Dystiolaeth i Reithfarn: Ymchwilio i Drosedd

Ymchwilio Trosedd, Diogelwch a Chyfiawnder

Dadorchuddio Trosedd Treisgar

Y Tu Hwnt i Ffiniau: Trosedd Difrifol, Wedi’i Drefnu a Thrawswladol

Profiad Gwaith

I sicrhau bod eich dysgu yn berthnasol i’r gweithle, cewch enghreifftiau bywyd go iawn o faterion perthnasol. Er enghraifft, mewn un modiwl, byddwch chi’n gweithio ar achos oer byw mewn cydweithrediad â’r Brifysgol a’r heddlu.

Byddwch chi’n dysgu trwy ystod o ddulliau, fel arfer, cyfuniad o ddarlithoedd, seminarau a gweithdai. Yn ystod cyfnodau hwyrach y cwrs, cewch gyfle i weithio ar brosiectau naill ai yn unigol neu mewn grwpiau.

Hefyd, caiff dysgu ymdrochol a gweithgareddau efelychiadol eu cynnwys yn rhan o’r rhaglen yn ogystal â siaradwyr gwadd a gwaith prosiect. Bydd amrywiaeth o ddulliau asesu ac, er bod y rhan fwyaf o fodiwlau yn seiliedig ar waith cwrs, bydd rhywfaint o arholiadau. Bydd gwaith cwrs yn cynnwys prosiectau bywyd go iawn, traethodau, gwaith grŵp a chyflwyniadau.

Beth a ddisgwylir ohonof i?

I gael mynediad i’r cwrs, bydd angen o leiaf tri chymhwyster TGAU, gradd C neu’n uwch, gan gynnyws Mathemateg/Mathemateg Rhifedd ac Iaith Saesneg (neu gyfwerth), yn ogystal â:

• 48 o bwyntiau UCAS – amcangyfrifydd tariff UCAS 
• Neu raglen Mynediad i Addysg Uwch gan ennill Diploma Pasio a 45 o farciau pasio

Sylwer, os nad ydych chi’n bodloni’r meini prawf graddau, efallai y caiff oedran a phrofiad ei ystyried.

Beth sy'n digwydd nesaf?

Mae’r cwrs hwn yn gymhwyster gwerthfawr os hoffech chi ddilyn gyrfa yn y gwasanaeth sifil, yr heddlu, y gwasanaeth prawf, y gwasanaethau carchar a diogelwch neu wasanaethau cymunedol neu gymdeithasol.

Gallwch chi hefyd symud ymlaen i flwyddyn olaf y cwrs gradd BA (Anrh.) mewn Troseddeg a Chyfiawnder Troseddol ym Mhrifysgol De Cymru.

Gwybodaeth Ychwanegol

Cyflwynir y cwrs hwn dros ddeuddydd ac mae’n rhyddfraint gan Brifysgol De Cymru (yn amodol ar ddilysiad).